நீங்கள் தேடியது "சிட்னி சர்வதேச டென்னிஸ்"

ஆண்டின் முதல் கிராண்ட் ஸ்லாம் டென்னிஸ் தொடரான ஆஸ்திரேலிய ஓபன் அடுத்த வாரம் தொடங்குகிறது. இதற்கு முன்னோட்டம் என்று கருதப்படும் சிட்னி சர்வதேச டென்னிஸ் தொடர் தற்போது நடைபெற்று வருகிறது.

இதில் நம்பர் ஒன் வீராங்கனையான சிமோனா ஹாலேப் நேரடியாக 2-வது சுற்றுக்கு முன்னேறினார். 2-வது சுற்றில் ஆஸ்திரேலியாவின் ஆஷ்லெய்க் பேர்ட்டி-யை எதிர்கொண்டார்.

இதில் சிமோனா ஹாலேப் 4-6, 4-6 என நேர்செட் கணக்கில் தோல்வியடைந்தார். கடந்த ஆண்டு ஆஸ்திரேலிய ஓபன் டென்னிஸில் 2-ம் இடம் பிடித்த சிமோனா, அக்டோபர் மாதம் நடைபெற்ற டென்னிஸ் இறுதித் தொடரின்போது காயத்தால் வெளியேறினார். அதன்பின் களம் இறங்கிய முதல் போட்டி இதுவாகும் என்பது குறிப்பிடத்தக்கது.